Description
Esta cariña guapa pertence a unha habitante do noso refuxio chamada Malú. Ela é o exemplo vivo de que non hai que fiarse nunca da aparencias, para as fotos pon sempre cara de “señora” formal, pero non o é en absoluto, nin é “señora”, porque aínda é bastante nova, nin moito menos formal. Malú é tímida e mantén as distancias cos descoñecidos, pero por dentro é unha rapariga que morre de ganas de atopar a alguén en quen poder confiar, só quere que a queiran, e xogar todo o día !!
Hai cans que por diversas circunstancias non saben que son cans, algúns pensan que son persoas e outros xa nin sequera saben o que son. Pero Malú sabe perfectamente quen é, sabe que é unha cadela, e encántalle !!. Non sería outra cousa por nada do mundo.
A felicidade para Malú é ter un compañeiro perruno ao que poder mangonear e capaz de seguirlle o ritmo. Gústanlle moito os cans, as cadelas xa lle gustan menos. E dá igual o chulito ou pouco amigo de guateques que sexa o seu compañeiro, ao final sempre acabará bailando con gusto ao son que ela queira. Malú é un moza intensa que sabe roubarlles o corazón como ningunha outra.
Cando xa ten confianza é unha cadela extraordinariamente nobre e cariñosa, pero ten uns límites fixados polo seu autocoñecemento e o seu sentido común. Se tentas facer un pouco o “can” con ela, aínda que só sexa para xogar, mírache como preguntándoche: Ti sabes que es unha persoa e que eu son un can, verdade?
Malú é a “cadela orixinal”, un animal que escoita á súa natureza e que nunca desexará ser outra cousa que o que é: unha criatura fabulosa.
