RON

Este príncipe chámase Ron e salta á vista que non pode ser máis guapo Chegou a nós hai xa un tempo sendo apenas un pobre saco de ósos. Tras algunhas semanas de comida e coidados xa non queda nada dese triste esqueleto andante que era.

Ron é un can moi guapo, orixinal, elegante e nobre. Un principiño lixeiro e silencioso como a brisa movéndose suavemente entre as árbores. Un can moi seguro de si mesmo que xamais busca conflito con ninguén. Ron é “pacifista”, dócil, activo, intelixente, delicado, entusiasta, amable e amoroso.

Ron é un can moi fácil de querer. Prudente, agradecido e desexoso de agradar. Esfórzase por non molestar, por ser suave e delicado. É todo el un agasallo para os ollos e un bálsamo para corazóns tristes.