Description
Din que os animais non teñen alma… hai que ver que bobadas dinse ás veces! Basta con mirar esta cariña para vela asomarse resplandecente por esas ventás que son os enormes ollos de Shiva.
Esta preciosidade, á que dan ganas para comer a cariña a bicos e consentir ata o exceso, é unha American Stanford que chegou a nós en moi malas condicións hai xa algún tempo. A quen entón era o seu “dono” non lle bastaba con tela vivindo permanentemente encadeada, o estado de desnutrición tan terrible que padecía evidenciaba que tampouco tiña ningún interese en darlle para comer. Como moitos outros xa, Shiva conseguiu a súa liberdade grazas ao colectivo Iniciativa Dignidade Canina, que denunciou o estado no que se atopaba e conseguiu a súa cesión.
A pesar da mala vida que lle deron, Shiva non garda ningún rancor porque ela é puro amor e non coñece o mal, é unha cadela de 10. É alegre, entusiasta, nobre, boa, sensible, paciente e sociable. Tan forte e fráxil á vez como unha delicada flor de aceiro puro.
Shiva é cálida e luminosa como unha mañá de primavera, rebosante de ilusión e grandes esperanzas, non hai nin unha nube no seu ceo, carece de malicia e é totalmente transparente, bástalle unha mirada para facerche saber que pensa e como sente en cada momento. Podería pensarse que só lle falta falar, pero en realidade non lle falta porque non o necesita, é perfecta tal como é.
Shiva é un tesouro pequeno, apenas 15 quilos de puro amor esperando a que veña a adoptala unha persoa que si a mereza.
Para adoptar a Shiva, por mor da súa raza, será necesario contar coa licenza para “cans potencialmente perigosos”.
